Чаму людзі сталі меней чытаць? Мяркую, што на гэта паўплывала шмат прычын: гэта і сучасныя тэхналогіі, інтэрнэт… і на ўсё не хапае часу. А чалавек, які жыве і развіваецца, вучыцца надаваць старому новыя формы, каб спрасціць сваё жыццё. Але нягледзячы на інтэрнэт і аўдыёкнігі, людзі не перастаюць чытаць. Бо толькі калі мы чытаем мастацкі твор і прапускаем яго праз сваё сэрца, ён застаецца ў нас...
Слова — радасць, слова — чары,
Вобраз вечна юных вёсен,
Ёсць ты ўсюды: ў сонцы, ў хмары,
Ты глядзіш праз неба просінь.
Лашчыш слух мой, слова-ззянне,
Атуляеш сэрца ласкай,
Ноч і вечар, дзень, світанне
Абняло ты, слова-краска.
У сузор’і слынных імёнаў, якімі па праву ганарыцца Стаўбцоўшчына і ўвесь беларускі народ, Якубу Коласу (1882-1956) належыць адно з найболей пачэсных месцаў. Волат беларускай літаратуры, народжаны на Нёманскай зямлі, ён увабраў непаўторную прыгажосць роднага краю і перадаў яе неўміручую веліч у сваіх творах.
Разам з творчым калектывам ДУА “Вучэбна-педагагічны комплекс”Залужскі дзіцячы сад - сярэдняя школа” у складзе Алены Валянцінаўны Манцывода, Міхаіла Васільевіча Міхно і вучняў школы ўвасобілі герояў “Новай зямлі” у праекце “Кніга і час. Ажыўшыя старонкі”. Фотаздымкі зроблены на базе народнага музея "Спадчына" установы адукацыі.
Вялікі дзякуй удзельнікам праекта!
Комментариев нет:
Отправить комментарий